HÓPAPANTANIR OG FYRIRSPURNIR: 461 7730

Um Rauðku

Rauðka stendur í nýuppgerðu rauðu húsi við smábátahöfnina á Siglufirði. Staðurinn er vinsæll meðal bæjarbúa og því heppilegur til að kynnast lífinu á Sigló. Á sumrin myndast skemmtilegt andrúmsloft við Rauðku og Hannes Boy þegar fjöldi manns kemur þar saman til að njóta lífsins.

Rauðka, sem opnaði árið 2011, er opin alla daga yfir sumartímann, frá júní og þar til seinnipartinn í ágúst. Boðið er upp á fjölbreyttan matseðil við flestra hæfi en þar má finna allt frá kökum og samlokum til plokkfisks og BBQ rifja. Staðurinn er því heppilegur fyrir fjölskyldufólk sem vill hafa fjölbreytt úrval í heimsókn sinni til Siglufjarðar. Á sumrin er hægt að spila strandblak, minigolf og risaskák á útisvæði Rauðku.

Á veturna er opið eftir pöntunum eða við sérstök tilefni. Í norðurhluta Kaffi Rauðku er glæsilegur salur með sæti fyrir allt að 130 matargesti. Einnig er lítill salur á efri hæð staðarins sem er tilvalinn fyrir minni fundi eða aðrar samkomur. Norðurhluti Rauðku er einnig notaður sem tónleikasalur og eru þar haldnir tónleikar reglulega. Hágæða hljóðkerfi og skjávarpi eru til staðar. 

Rauðka er einn af þremur veitingastöðum Sigló Hótels. Hinir tveir veitingastaðirnir eru Hannes Boy og veitingastaðurinn Sunna ,sem er staðsettur inn á Sigló Hótel.